Dia 5 di òktober 2020 eks-sekretario di estado Paul Blokhuis a duná enkargo pa realisá e skrinen di poblashon pa kanser na Boneiru, Sint Eustatius i Saba.
Na Hulanda nos konosè 3 tipo di programa di skrinen di poblashon pa kanser: e skrinen di kanser di pechu, kanser di boka di matris i kanser di tripa. E Sentro di skrinen di poblashon di RIVM ta organisá e skrinen di poblashon pa Hulanda Karibense. Di isla pa isla i di skrinen di poblashon pa skrinen di poblashon nos ta traha na un aserkamentu kompletu.
Komo promé paso a kuminsá den final di 2019 ku un proyekto-piloto di skrinen pa poblashon pa kanser na pechu na Boneiru. Den 6 luna di tempu 341 damanan a hasí e tèst di kanser na pechu. Na kuminsamentu di 2020 e proyekto-piloto a keda evalua. RIVM a konsehá e ministerio pa kontinuá ku introdukshon di e skrinen di poblashon riba e islanan di BES: Boneiru - Sint Eustatius i Saba.
RIVM a wòrdú pidi pa gradualmente amplia e kantidat di tèstnan te na e nivel di esun di Hulanda. Tapesei na Hulanda-Karibense ta kuminsá semper ku un proyekto-piloto, pa asina siña di kada isla kon - riba un base di organisashon, kalidat i aksesibilidat – pa ofresé un bon programa. Esaki ta un manera nesesario – debí ku e islanan - kompará ku Hulanda i tambe bou di otro – konosé diferensianan grandi pa ku e konteksto sosial – geográfiko i organisatorio. Nos ke ehekutá e skrinen di poblashon mas mihó ku ta posibel. Esei ta nifiká ku tur e organisashonnan mester kooperá bon ku otro. Solamente di e manera aki e investigashon por kontribui na un mihó salú di e habitante di e islanan. Bou di e profeshonalnan riba e islanan tin un disponibilidat grandi pa introdusí e skrinen.
Na mei 2021 – despues di Covid-19 ku mester a pará tur kos, a kuminsá atrobe ku e skrinen di kanser na pechu. Dor di detektá den un etapa tempran e chèns pa kurá ta mas grandi. Tambe e tratamentu hopi biaha ta menos pisá. E chèns di muri dor di kanser na pechu ta bira menos. Partisipashon ta gratis i boluntariamenta. Den e proseso di ehekutashon nos lo hasi uso di e fasilidat- i posibilidatnan ku tei kaba. Nos lo sigui trahá pa mehorashon di e programa di skrinen. Esaki ta rekerí un invershon kontinuo den edukashon, profesionalismo di e personal i otro aspektonan di kalidat.
Tambe RIVM a kompletá un investigashon tokante e pregunta pa bin ku proyektonan-piloto na Saba i St. Eustatius pa hasi e skrinen die poblashon pa kanser. Entretantu na 2022 lo kuminsá ku un proyekto-piloto pa kanser na boka di matris na Saba i St. Eustatius. E proyekto-piloto pa e kanser na boka di matris na Boneiru a kuminsá na final di 2022.