E poblashon di Boneiru, St. Eustatius i Saba ta sufisientemente protehá kontra enfermedatnan infeksioso, manera sarampi i polio? I kuantu kaso di dengue sa tin? Kon ta pará ku sirkunstansha di bida personal i ki sorto di enfermedat króniko, manera diabétis, tin? Pa kontestá e preguntanan akí i algun otro, ta realisá e Health Study na mei i yüni di 2017. Ku e resultadonan di e investigashon akí por prevení i kombatí mas mihó vários enfermedat den futuro.
Ken ta haña invitashon?
Pa medio di un muestra saká for di registro sivil (PIVA-V)
ta invitá 8000 persona di 0 te 89 aña:
- 5000 persona na Boneiru,
- 2000 persona na St. Eustatius i
- 1000 persona na Saba.
Kada persona ta haña un invitashon personal pa bai un konsultorio den su besindario.Dia 2 di mei ta kuminsá ku e estudio na Boneiru. Despues for di 30 di mei te ku 9 di yüni ta kolekta dato na St. Eustatius i for di 12 te ku 19 yüni na Saba.
Kon e investigashon ta tuma lugá?
Kiko ta pasa ku e materialnan di e investigashon?
Na momentu ku regresá Hulanda ta warda e materialnan di estudio na Instituto di estado pa Salubridat Públiko i Medio Ambiente (RIVM). Den laboratorio lo midi e kantidat di e antikurpanan den sanger kontra e enfermedatnan infeksioso di e programma di vakunashon di estado (Rijksvaccinatie-programma) i kontra e enfermedatnan infeksioso ku ta mas frekuente lokalmente. Tambe ta bai indagá kua ta e bakteria-i vírùsnan ku sa tin den nanishi, garganta i shushi. Finalmente ta usa e lista di pregunta pa reuní i klasifiká e faktornan di riesgo.
Partisipashon ta importante!
Komo partisipante na e Health Study poblashon Boneiru, St. Eustatius i Saba ta kontribuí ku un aporte importante na salubridat públiko. P’esei ta importante pa mas tantu hende posibel partisipá. Partisipashon ta boluntario i tur dato ta keda konfidensial.
Ken ta realisá e investigashon?
Riba enkargo di ministerio di Salubridat Públiko, Bienesta i Deporte ( VWS (Ministerie van Volksgezondheid, Welzijn en Sport)), Instituto di estado pa Salubridat Públiko i Medio Ambiente (RIVM) ta hasi e investigashon akí den kolaborashon ku Ofisina Sentral di Statistik ( CBS (Centraal Bureau voor de Statistiek)) i e departamentunan lokal di salubridat públiko ( GGD (Gemeentelijke Gezondheidsdienst)).
Mas informashon
Riba website www.rivm.nl/healthstudy bo por haña mas informashon tokante e investigashon for di prinsipio di aprel 2017. Bo por hasi pregunta na telefòn via e departamentunan lokal di salubridat públiko durante tur dia di trabou entre 8.00 or i 10.00 or: +599 717 2211
òf via healthstudy@rivm.nl.